فیصل واوڈا نے قومی اسمبلی کی نشست سے استعفیٰ دے دیا

جی این این کے مطابق فیصل واوڈا کے وکیل نے استعفیٰ اسلام آباد ہائی کورٹ میں پیش کردیا، کیس کی سماعت جسٹس عامر فاروق کررہے ہیں، فیصل واوڈ کے وکیل نے عدالت میں موقف اپنا ہا کہ استعفے کے بعد فیصل واوڈا کے خلاف نااہلی کیس غیر موثر ہوچکا ہے ۔ 

اس سے قبل فیصل ووڈا قومی اسمبلی میں اپنا ووٹ کاسٹ کرنے کے لیے پہنچے اور انہوں نے ایوان میں سب سے پہلے ووٹ کاسٹ کیا۔ ووٹ کاسٹ کرنے کے بعد میڈیا سے غیر رسمی گفتگو میں فیصل واوڈا نے کہا کہ  اللہ کی مہربانی سے گیلانی کو زبردست شکست ہوگی۔پیپلز پارٹی شرمندگی مٹانے کیلئے کسی اور سینیٹر کو ہٹا کر گیلانی کو سینیٹر بنائیں گے۔

واضح رہے کہ پی ٹی آئی رہنما فیصل واوڈا کے خلاف الیکشن کمیشن اور اسلام آباد ہائیکورٹ میں دوہری شہریت کے معاملے پر نااہلی کیس کی سماعت ہورہی ہے۔ فیصل واوڈا نے کاغذات نامزدگی جمع کرنے کے بعد دوہری شہریت چھوڑ دی تھی۔