برطرف ملازمین کے حوالے سے اہم خبر آگئی

تفصیلات کے مطابق حکومت کی جانب سے تجویز دی گئی ہے کہ گریڈ 8 سے 17 تک کے ملازمین کے 3 ماہ میں ٹیسٹ لیے جائیں اور ایف پی ایس سی ٹیسٹ پاس کرنے والے ملازمین کو مستقل کر دیا جائے۔

حکومتی تجویز میں کہا گیا ہے کہ گریڈ ایک سے 7 تک کے ملازمین کو بحال کر دیا جائے اور گریڈ 8 تا 17 تک کے ملازمین کو پبلک سروس ٹیسٹ سے گزرنا ہو گا اور یہ عمل 3 ماہ میں مکمل ہو گا۔

یہ بھی کہا گیا کہ ملازمین کی ماضی کی سروس ایڈ ہاک تصور ہو گی اور ریٹائرڈ یا فوت ہونے والے ملازمین کے معاملات ماضی کا حصہ تصور کیے جائیں جبکہ دوران ملازمت انتقال کرنے والے ملازمین اور ورثا پنشن کے حقدار نہیں ہوں گے۔

حکومتی تجویز میں یہ بھی کہا گیا ہے کہ جو ملازمین بحال ہوتے ہی پنشن لے رہے انہیں مزید پنشن نہیں ملے گی،ملازمین کو جو رقم دی جا چکی ہےوہ ریکور نہیں کی جائے گی۔