ایل سی ڈبلیو کانووکیشن : پروفیسر کا شہباز گل سے ڈگری لینے سے انکار

مقامی میڈیا کے مطابق لاہورکالج فارویمن یونیورسٹی کے کانووکیشن میں سمن آباد کالج کی خاتون پروفیسر نے وزیراعظم عمران خان کے معاون خصوصی برائے سیاسی روابط شہبازگِل سےڈگری لینے سے انکار کردیا ،ان کا اسٹیج پر نام پکارا گیا لکن وہ ڈگری لینے نہ آئیں ۔

انہوں نے ٹویٹ میں لکھا کہ شہباز گل کانووکیشن کے مہمان خصوصی بننے کے لائق نہیں،اس لئے ان سے ڈگری وصول نہیں کروں گی۔

اس سے متعلق صحافی نے شہباز گل سے سوال کیا کہ خاتون پروفیسر نے ٹوئٹ کے ذریعے آپ سے ڈگری لینے سے انکار کیا ہے؟ جس پر شہباز گل نے جواب دیا کہ  ملک میں جمہوریت ہے اور ہر ایک کا حق حاصل ہے۔

دوسری جانب کالج پرنسپل کا کہنا ہے کہ خاتون پروفیسر کا ٹوئٹر اکاؤنٹ ہیک کیا گیا، خاتون پروفیسر نے ایسی کوئی بات نہیں کی۔