پاکستان جاپان کے ساتھ دوطرفہ تعلقات کو بڑھانے کا خواہاں ہے، آرمی چیف

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق  آرمی چیف جنرل قمر جاوید باجوہ سے پاکستان میں تعینات نئے جاپانی سفیر کی ملاقات ہوئی ہے،  ملاقات میں باہمی دلچسپی کے امور اور علاقائی سکیورٹی صورتحال پر تبادلہ خیال کیا گیا۔ ملاقات میں افغانستان کی صورتحال پر بھی بات چیت ہوئی۔

آرمی چیف جنرل قمر جاوید باجوہ نے اس موقع پر کہا کہ  جاپان کے ساتھ دو طرفہ تعلقات کو مزید بڑھانا چاہتے ہیں،  پاکستان جاپان کے ساتھ دوطرفہ تعلقات کو بڑھانے کا خواہاں ہے۔افغانستان میں ادارہ جاتی طریقہ کر کے تحت  امداد پہنچانے کی ضرورت ہے۔

ترجمان پاک فوج کا کہنا تھا کہ آرمی چیف نے افغانستان میں امن اور مفاہمت کے اقدامات کی اہمیت پر زور دیا۔

آرمی چیف نے مزید کہا کہ  تنازعہ کشمیر کا پرامن حل جنوبی ایشیا میں استحکام کے لیے ضروری ہے، پاکستان علاقائی امن اور خوشحالی کے لیے اپنے تمام پڑوسیوں کے ساتھ خوشگوار تعلقات چاہتا ہے۔