اسلام آباد میں موبائل سروس بند نہیں ہو گی:وفاقی وزیر داخلہ

تفصیلات کے مطابق وفاقی وزیر داخلہ شیخ رشید نے میڈیا سے گفتگو کرتے ہوئے کہا ہے کہ پاکستان کی تاریخ میں وزیراعظم عمران خان کی قیادت میں او آئی سی کانفرنس ہونے جارہی ہے۔

ان کا کہنا تھا کہ وزرات داخلہ،  چیف کمشنرز اور پولیس نے فیصلہ کیا ہے کہ کانفرنس کے تینوں دن موبائل سروس بند نہیں ہو گی کیونکہ اس سے رابطوں کا فقدان ہوگا۔

انہوں نے کہا ہے کہ وزرات داخلہ اور اسلام آباد انتظامیہ نے فیصلہ کیا ہے کہ ہفتہ اور پیر کو مقامی چھٹی ہوگی جبکہ سیکٹریٹ کی چھٹی کا فیصلہ کابینہ ڈویژن کبھی بھی کر سکتی ہے۔

شیخ رشید کا کہنا تھا کہ وزیراعظم عمران خان، او آئی سی تاریخی اجلاس سے خطاب کریں گے، افغانستان کی صورتحال انسانی مسائل جنم لے رہے ہیں، او آئی سی کی کانفرنس تعمیری کردار ادا کرے گی۔