دنیا نے توجہ نہ دی توافغانستان میں انسانی بحران شدت اختیار کر سکتا ہے: شاہ محمود قریشی

تفصیلات کے مطابق شاہ محمود قریشی کا کہنا تھا کہ افغانستان کی صورتحال پر او آئی سی وزرائے خارجہ کانفرنس اہمیت کی حامل ہے کانفرنس دنیاکی توجہ افغانستان پر مبذول کرانےکیلئے اہم ہے۔ 

ان کا کہنا تھا کہ اوآئی سی اجلاس میں سلامتی کونسل کےمستقل ارکان کی نمائندگی بھی ہوگی۔کانفرنس میں افغان نمائندگان بھی اپنےنقطہ نظرپیش کریں گے۔

وزیر خارجہ کا کہنا ہے کہ اس وقت افغانستان میں جنگ نہیں ہورہی، مسئلہ  بھوک ہے،افغانستان میں معطل بینکنگ سسٹم فوری بحال کرنےکی ضرورت ہے،بینکنگ سسٹم فعال نہ ہوتودنیابھرسےافغانی پیسے کیسےبھیجیں گے؟

ان کا کہنا تھا کہ افغانستان کےاپنےوسائل کومنجمد کردیا گیا ہے۔ افغان عبوری حکومت کےپاس تنخواہیں دینےکے پیسے نہیں،کیا نہ چاہتے ہوئے  بھی دنیا افغانستان کوہنگامی صورتحال میں تونہیں دھکیل رہی؟

وزیر خارجہ شاہ محمود قریشی کا مزید کہنا تھا کہ دنیا کے مفاد میں ہے کہ افغانستان کی صورتحال نہ بگڑے۔ مہاجرین کا بحران پیداہوا تو پاکستان اورایران تک محدودنہیں رہےگا ۔