افغانستان اس وقت انسانی بحران کے دہانےپرکھڑا ہے: اردن وزیرخارجہ

تفصیلات کے مطابق اسلامی تعاون کی تنظیم کے وزرا خارجہ کونسل کے اجلاس سے خطاب کرتے ہوئے اردن کے وزیرخارجہ کا کہنا تھا کہ اس اجلاس کیلئے پاکستان اورسعودیہ کی کوششیں قابل ستائش ہیں۔

ان کا کہنا تھا کہ افغانستان اس وقت انسانی بحران کے دہانےپرکھڑا ہے اور افغانستان کے عوام خوراک کی قلت کا شکار ہیں۔ انھوں نے زور دیا کہ افغان عوام کی سلامتی کیلئے اقدامات کرنا ہوں گے۔

یہ غیر معمولی اجلاس پارلیمنٹ ہاؤس کے قومی اسمبلی ہال میں ہو رہا ہے جس کیلئے ہال کو مسلم ممالک کے پرچموں سے سجایا گیا ہے۔

اوآئی سی کی وزرائے خارجہ کونسل اجلاس میں 70 وفود شریک ہیں، جس میں مختلف اسلامی ممالک کے  وزرائے خارجہ اور  نائب وزرا شریک ہیں اس کے علاوہ غیر رکن ممالک اور عالمی تنظیموں کے نمائندوں بھی شریک ہیں۔

افغانستان کے قائم مقام وزیر خارجہ امیر خان متقی بھی اجلاس میں شریک ہیں، اس کے علاوہ سعودی عرب، ترکی، ایران ،ملائشیا، انڈونیشیا، بوسنیا، آذربائیجان، بنگلا دیش، قازقستان، ترکمانستان کےوزرائے خارجہ سمیت فلسطین،اردن،صومالیہ،گمبیا، سیرالیونی اورگبون کےوزرائےخارجہ بھی شریک ہیں۔

اس کے علاوہ امریکی نمائندۂ خصوصی برائے افغانستان تھامس ویسٹ کے ساتھ ساتھ اقوامِ متحدہ سلامتی کونسل کے پانچوں مستقل ملک چین، امریکا،برطانیہ، روس اورفرانس کے نمائندے بھی اجلاس میں شریک ہیں۔