ہنگو: پولنگ اسٹیشن کے قریب مسلح شخص کی فائرنگ ، ایک شخص زخمی

پولیس ذرائع کے مطابق  علاقہ توغ سرائے میں پولنگ اسٹیشن کے قریب مسلح شخص نے فائرنگ کی ہے، فائرنگ سے ایک شخص زخمی ہوگیا ہے۔

ذرائع کا کہنا ہے کہ  واقعہ ذاتی دشمنی ہے،   واقعہ سیاسی مخالفت یا پولنگ کی وجہ سے نہیں ہوا ہے،  توغ سرائے پولنگ اسٹیشن پر پولنگ خوشگوار ماحول میں جاری ہے۔

دوسری جانب خیبر تحصیل ملاگوری  میاں مرچہ پولنگ اسٹیشن میں ہوائی فائرنگ کا واقعہ پیش آیا ہے ، فائرنگ کے بعد پولنگ کا عمل روک دیا گیا ، فائرنگ سے کوئی نقصان نہیں ہوا ہے۔

پولیس کے مطابق مہمند میں شہید بانڈا پولنگ سٹیشن کے باہر فائرنگ ہوئی ہے،  فائرنگ سے شہید بانڈہ ویلج کونسل  کے جنرل کونسلر کا امیدوار زخمی ہوگیا،  زخمی کی حالت خطرے سے باہر ہسپتال منتقل کردیا گیا ہے،  واقعہ کے بعد پولنگ کا عمل معطل ہو گیا۔