افغانستان نے داعش پر کنٹرول کیا ہے، امیر خان متقی

اسلام آباد سے واپس کابل پہنچنے والے افغان وزیر خارجہ امیر خان متقی نے ایئرپورٹ پر صحافیوں سے بات کرتے ہوئے کہا کہ امارت اسلامی تمام ممالک کے ساتھ اچھے تعلقات قائم کرنے کی کوشش کر رہی ہے۔

انہوں نے بتایا کہ افغان سرزمین دوسرے ممالک کے خلاف استعمال کرنے کی اجازت نہیں دی جائے گی۔

او آئی سی اجلاس سےمتعلق بات کرتے ہوئے امیر خان متقی کا کہنا تھا کہ اجلاس میں او آئی سی رکن ممالک سے کابل میں سفارت خانے دوبارہ کھولنے کا مطالبہ کیا ہے، اس متعلق مستقبل قریب میں پیشرفت دیکھیں گے۔

انہوں نے بتایا کہ اوآئی سی اجلاس میں افغانستان کیلئےٹرسٹ فنڈ کے قیام کا مطالبہ رکن ممالک نےتسلیم کیا ہے۔