‏’پیغمبرِاسلام ﷺ کی توہین آزادی اظہار نہیں’ وزیراعظم کا پیوٹن کے بیان کا خیرمقدم

وزیراعظم عمران خان نے روسی صدر کے پیغمبراسلام ﷺ سے متعلق بیان کا خیرمقدم کیا ہے۔

ٹوئٹر پر جاری بیان میں وزیراعظم عمران خان نے لکھا کہ میرےپیغام کی تصدیق کی روسی صدر ‏کے بیان کا خیرمقدم کرتاہوں نبی پاک ﷺکی توہین آزادی اظہارنہیں ہے۔

وزیراعظم نے کہا کہ مسلم امہ کو اسلاموفوبیا کے مقابلے کیلئے پیغام کو غیرمسلم دنیا تک پہنچانا ‏چاہیے۔

I welcome President Putin's statement which reaffirms my message that insulting our Holy Prophet PBUH is not " freedom of expression". We Muslims, esp Muslim leaders, must spread this message to leaders of the non-Muslim world to counter Islamophobia. https://t.co/JUKKvRYBSx

— Imran Khan (@ImranKhanPTI) December 24, 2021

روسی صدر ولادیمیر پیوٹن نے دوٹوک کہا ہے کہ پیغمبرِاسلام ﷺکی توہین آزادی اظہار نہیں ہے ‏پیغمبر کی توہین مذہبی آزادی کی خلاف ورزی ہونے کے ساتھ ساتھ ‏مسلمانوں کے مقدس جذبات ‏کی خلاف ورزی بھی ہے۔ انہوں نے کہا کہ مذہب مخالفت اقدامات انتہاپسندانہ کارروائیوں کو جنم دیتےہیں فنکارانہ آزادی ‏‏ہونی چاہیے لیکن اس کی اپنی حدود ہیں۔

وفاقی وزیر اطلاعات و نشریات فواد چوہدری نے مولانا فضل الرحمان کے بیان پر ردعمل دیتے ہوئے کہا کہ کھلے دل کے ساتھ مسلم اُمّہ کے اس لیڈر (عمران خان) کا بھی شکریہ ادا کریں جس نے نبی کریم ﷺ کی شان اقدس کی حرمت کا مدعا پوری دنیا کے سامنے رکھا اور آج ولادیمیر پوٹن جیسے عالمی رہنما عمران خان کی ان کاوشوں کے نتیجے میں اس مسئلے پر دو ٹوک رائے دے رہے ہیں۔