پی آئی اے کے مسافروں کیلئے دوران پرواز کرسمس تحائف

اسلام آباد سے کراچی جانے والی قومی ایئرلائن (پی آئی اے) کی پرواز میں مسافروں کو کرسمس تحائف دیے گئے۔

جہاز میں سوار مسافروں کی جانب سے بتایا گیا کہ کرسمس کے موقع پر سانتا کلاز نے جہاز میں سوار بچوں میں چاکلیٹس بھی تقسیم کیں۔

پرواز میں وفاقی وزیر امین الحق، نفیسہ شاہ اور قادر پٹیل بھی موجود تھے، پی آئی اے کے سرپرائز پر جہاز میں سوار ارکان قومی اسمبلی بھی خوش ہوئے۔

سی ای او پی آئی اے ایئر مارشل ارشد ملک کا کہنا تھا کہ پی آئی اے مسیحی بھائیوں کی خوشیوں میں شریک ہے اور تمام مکاتب فکر کی ضروریات کے مطابق پروازیں چلا رہے ہیں، پی آئی اے سب کی ایئرلائن اور تمام پاکستانیوں کا اثاثہ ہے۔

واضح رہے کہ ملک بھر میں پاکستانی آج کرسمس کا تہوار منا رہے ہیں، وزیراعظم عمران خان نے مسیحیوں کو تہوار کی مبارکباد دی۔

Sometimes @Official_PIA gets it so right #Santa on the flight from Islamabad to Karachi distributing gifts to jingle bells ??? ? kids were thrilled and people clapped and sang along #tistheseason pic.twitter.com/4AOr9OhBua

— Ayesha Tammy Haq (@tammyhaq) December 23, 2021