عابد علی کی حالت بہتر، اسپتال سے ڈسچارج

تفصیلات کے مطابق عابد علی کے والد کا کہنا ہے کہ بیٹے کو اسپتال سے ڈسچارج کر دیا گیا ہے تاہم عابد علی دو ہفتے تک کراچی میں ہی ری ہیب کریں گے۔

ان کا کہنا تھا کہ اسپتال میں ہی ری ہیب کے تمام عمل مکمل ہو رہے ہیں اور پی سی بی نے رہائش کے لیے تمام انتظامات کر دیے ہیں۔

عابد علی کے والد کا یہ بھی کہنا ہے کہ ان کا بیٹا اب 100 فیصد بہتر ہے، دعائیں کرنے پر سب کا شکریہ ادا کرتے ہیں۔

یاد رہے کہ چند روز قبل عابد علی قائد اعظم ٹرافی کے میچ کے دوران دل کی تکلیف میں مبتلا ہوئے تھے۔