یوکرائنی فوجی کی ہلاکت پر بائیڈن کی روس کو پھر دھمکی

فرانسیسی خبر رساں ادارے کے مطابق امریکی صدر جو بائیڈن دوسری بار روس کے صدر ولادیمیر پیوٹن کو یوکرائن پر حملہ کرنے کی صورت میں سخت ردعمل کی تنبیہہ کے بعد اتوار کو یوکرائنی ہم منصب وولودیمر زیلنسکی سے بات کریں گے۔

نئے سال کے موقع پر اپنے خطاب میں یوکرائن کے صدر وولودیمر زیلنسکی نے کہا کہ مشرق میں جنگ کا خاتمہ ان کا بنیادی مقصد ہے۔

حالیہ مہینوں میں روس اور یوکرائن کے درمیان کشیدگی میں خاصا اضافہ ہوا ہے،روس نے یوکرائن کی سرحدوں کے قریب اپنی فوجیں تعینات کی ہوئی ہیں۔

امریکی صدر جو بائیڈن نے روسی صدر پیوٹن سے تین ہفتوں میں دوسری بار فون پر بات کی اور دھمکی دی کہ یوکرائن پر حملے کی صورت میں اس پر بڑی اقتصادی پابندیاں لگائی جائیں گی۔ 

روسی صدر پیوٹن نے ردعمل میں کہا کہ روس پر پابندیاں بہت بڑی غلطی ہوگی۔یوکرائنی فوج نے بیان میں کہا ہے کہ جوائنٹ فورسز کا ایک سپاہی علیحدگی پسندوں سے جھڑپ میں ہلاک ہوگیا ہے،علیحدگی پسندوں نے 24 گھنٹوں میں گرینیڈ لانچروں اور چھوٹے ہتھیاروں سے تین حملے کیے۔