پولیس نے 10 کروڑ روپے تاوان کیلئے اغوا کیا جانے والا 14 ماہ کا بچہ 42 گھنٹوں میں برآمد کرلیا

تفصیلات کے مطابق آ ر پی او سرگودھا فیصل رانا کی پروفیشنل پولیسنگ کی بدولت 14 ماہ کا مغوی بچہ 42 گھنٹوں کے اندر بحفاظت بازیاب کرلیا گیا، آر پی او سرگودھا کے حکم پرڈی پی او خوشاب کی سربراہی میں سپیشل ٹیم تشکیل دی گٸی تھی۔ بچے کی بازیابی کے لیے 10کروڑ روپے کا تاوان مانگا گیا۔بچے کا باپ بسلسلہ روزگار جنوبی افریقہ میں مقیم ہے۔

آر پی او سرگودھا کی پیشہ ورانہ کمانڈ کی بدولت پولیس نے بچے کی بحفاظت بازیابی ممکن بناٸی۔ آر پی او سرگودھا فیصل رانا کا کہنا ہے کہ آٸی جی پنجاب نے بچے کی بحفاظت بازیابی پر پولیس ٹیم کو شاباش دی۔  تھانہ صدر جوہرآباد ضلع خوشاب کے علاقہ ہڈالی سے نا معلوم ملزمان نے ایک دن قبل دوران واردات بچے کو اغوا کیا تھا۔  دو ملزمان اٹک سے گرفتار کر لیے گۓ ہیں جبکہ باقی ملزمان کی تلاش جاری ہے۔

آر پی او فیصل رانا نے کہا کہ  10 کروڑ روپے تاوان کے لئے اغوا کیا جانے والا 14 ماہ کا بچہ 42 گھنٹوں میں برآمد کر لیا گیا ، ضلع خوشاب کے تھانہ جوہر آباد کے علاقہ ہڈالی سے نامعلوم ملزمان نے 14 ماہ کے کم سن بچے کو اغوا کر لیا، کم۔سن مغوی کا والد روزگار کے لئے جنوبی افریقہ گیا ہوا ہے۔ جدید سائنسی ٹیکنالوجی کے استعمال سے 42 گھنٹوں میں کم سن مغوی کو بازیاب کروا لیا گیا۔ ملزمان کے خلاف مقدمہ درج کر کے گرفتاری کے لئے چھاپے مارے جا رہے ہیں۔