کولمبیا میں دو غیرقانونی مسلح گروپوں کے درمیان تصادم ، 23 افراد ہلاک

خبرایجنسی کے مطابق  کولمبیا کے وینزویلا کے ساتھ سرحدی علاقے میں ہفتے کے آخر میں  تصادم کاآغاز  ہوا ،  اس تصادم کے سبب 12خاندان بےگھر ہوگئے ہیں جبکہ  درجنوں افراد کے اغوا ہونے کا بھی خدشہ ہے۔ 

کولمبیا آرمی کے مطابق    دونوں گروپ منشیات کی فروخت جیسے کاموں کا کنٹرول حاصل کرنے کی کوشش کررہے ہیں۔  2000 کی دہائی کے وسط سے یہ جنگ  شروع ہوئی  جب FARC اور ELN نے اروکا اور پڑوسی وینزویلا کی ریاست اپوری میں ایک دوسرے سے جنگ کی۔

 2010 تک  لڑائی بند ہونے تک، صوبے میں 58ہزار سے زیادہ لوگ بے گھر ہو چکے تھے اور کم از کم 868 شہری ہلاک ہو ئے ۔ 

دوسری جانب کولمبیا کے صدر ایوان ڈیوک نے اراکا کی صورت حال کا جائزہ لینے اور اس سے نمٹنے کے لیے اقدامات کرنے کے لیے فوجی اور پولیس رہنماؤں کا اجلاس طلب کرلیا۔