اسلام آباد میں اومی کرون کے 14 نئے کیسز رپورٹ 

تفصیلات کے مطابق وفاقی دارالحکومت میں اومی کورون ویرئینٹ  کا پھیلاؤ جاری ہے ،  24 گھنٹے میں اومی کرون کے 14 نئے کیسز رپورٹ ہوئے ہیں ۔ 

ڈی ایچ او اسلام آباد ڈاکٹر زعیم کا کہنا ہے کہ شہر میں اب تک  114 اومی کرون کیسز سامنے آ چکے ہیں ، اس وقت شہری ترجیحی بنیادوں پر کورونا ویکسی نیشن کرائیں۔ انہوں نے مزید کہا کہ وباء کا پھیلاؤ روکنے کیلئے ایس او پیز پر عملدرآمد ناگزیر ہے۔ 

ملک میں کورونا کی صورتحال 

دوسری جانب ملک بھر میں عالمی وبا کورونا وائرس سے مزید 2افراد جاں بحق ہو گئے جس کے بعد اموات کی مجموعی تعداد 28 ہزار 945 ہو گئی ہے ۔ 24 گھنٹوں کے دوران ملک بھر میں مزید 630 کورونا کیسز رپورٹ ہوئے ہیں ۔  

این سی او سی کے مطابق  گزشتہ چوبیس گھنٹوں میں ملک بھر میں 44 ہزار 198کورونا ٹیسٹ کیے گئے اور مثبت کیسز کی شرح 1.42 فیصد رہی۔