ہسپانوی شہری غلطی سے مردہ چوہا چبا گیا 

غیرملکی خبر رساں ادارے کے مطابق  اسپین سے تعلق رکھنے والے شہری جوز نے کرسمس کے موقع پر فرانسیسی سپر مارکیٹ سے کچھ سبزیاں خریدیں اور گھر واپس آنے کے بعد انہیں پکایا ۔ کھانے  کی میز پر پلیٹ میں کھانا نکالتے ہوئے اس نے کچھ گہرے رنگ کا  دیکھا اور اس کا ایک حصہ  کاٹ لیا۔ تاہم چبانے کے دوران  اس نے کچھ عجیب وغریب  کریہہ سا محسوس کیا۔

خبر رساں ادارے نے  اس عجیب و غریب واقعے پر ایک رپورٹ شائع کی جس میں کہا گیا ہے کہ جب جوز نے اپنے کھانے پر ایک نظر ڈالی تو اس نے  دو آنکھوں کو اپنی طرف دیکھتے ہوئے پایا ، اس وقت اسے معلوم ہوا کہ یہ چوہا ہے، آرٹچوک نہیں ۔ 

واقعے کے بعد شہری کی جانب سے  اس سپر مارکیٹ کے خلاف شکایت درج کرائی گئی ہے جہاں سے اس نے فروزن  سبزیاں خریدی تھیں ۔ سپر مارکیٹ ترجمان  نے اس بارے میں موقف اختیار کیا کہ "ہم نے پروڈکٹ کے مینوفیکچرر سے رابطہ کیا ہے اور ہم اس پروڈکٹ پر کیے گئے تمام کنٹرولز کی جانچ کر رہے ہیں تاکہ یہ یقینی بنایا جا سکے کہ وہ سب ہر مرحلے پر  درست ہیں ۔