اسلام آباد میں اومی کرون کے 23 نئے کیسز رپورٹ

اسلام آباد میں اومی کرون کے کیسز تیزی سے بڑھنے لگے۔23 نئے کیسز سامنے آگئے۔

اسلام آباد میں  کورونا وائرس کے نئے ویریئنٹ اومیکرون کے مزید  23 کیسز رپورٹ  ہو گئے۔ وفاقی دار الحکومت  میں اومیکرون کیسز کی تعداد 141 ہوگئی۔

گزشتہ روز وفاقی دارالحکومت اسلام آباد کے جڑواں شہر راولپنڈی میں بھی عالمی وبا کورونا وائرس کی نئی قسم اومی کرون کے 4 مریض سامنے آئے تھے۔

ڈی ایچ او راولپنڈی نے اومی کرون مریضوں کی تصدیق کرتے ہوئے بتایا تھا  کہ ایک مریض کا تعلق راول ٹاؤن، ایک کا کینٹ جب کہ 2 پوٹھوار کے علاقے سے ہیں۔

انہوں نے بتایا کہ مریضوں کی کوئی ٹریول ہسٹری سامنے نہیں آئی۔ چاروں مریض صحت مند ہیں۔

یاد رہے کہ اس سے قبل این سی اوسی نے خبردار کیا ہے کہ  کورونا کی پانچویں لہر اومی کرون کی صورت میں تیزی سے پھیل رہی ہے۔