مقبوضہ کشمیرمیں بھارتی ریاستی دہشتگردی  جاری ،3 کشمیری نوجوان شہید

جی این این کے مطابق  مقبوضہ جموں وکشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ضلع بڈگام میں تین کشمیری نوجوان شہید کر دیے ۔ بھارتی فوجیوں نے نوجوانوں کو ضلع کے علاقے چاڈورہ میں محاصرے اور تلاشی کی کارروائی کے دوران شہید کیا ۔  آخری اطلاعات تک علاقے میں تلاشی آپریشن جاری تھا۔

بھارتی پولیس نے سرینگر کے ڈاﺅن ٹاﺅن سے تلاشی آپریشن کے دوان چار نوجوان گرفتار کر لیے۔

خیا ل رہے کہ چند روز کے دوران قابض بھارتی فورسز  کی جانب سے جموں کشمیر میں نام نہاد سرچ آپریشنز میں تیزی دیکھنے میں آئی ہے اور بھارتی فورسز کی جانب سے 10 سے زائد کشمیریوں کو شہید کیا گیا ہے۔