پی ڈی ایم کا اہم اجلا س آج ہوگا

 تفصیلات کے مطابق پی ڈی ایم کےسربراہ مولانا فضل الرحمٰن  کی  زیر صدارت    اجلاس میں سیاسی صورتحال اور لانگ مارچ پر تفصیلی بحث ہوگی۔ اجلاس میں وزیراعظم عمران خان کے قومی اسمبلی سے اعتماد کے ووٹ کے عمل کا جائزہ لیا جائے گا، وزیراعظم اور حکومت کے خلاف آئندہ حکمتِ عملی بھی طے کی جائے گی۔

 پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمٰن نے اپوزیشن اتحاد کا اہم اجلاس طلب کیا تھا۔

خیال رہے کہ ہفتے کے روز وزیر اعظم عمران خان پارلیمنٹ سے اعتماد کا ووٹ حاصل کرنے میں کامیاب ہوئے ۔ اسپیکر قومی اسمبلی نے اعلان کیا کہ  قومی اسمبلی کے 178 ارکان نے  وزیراعظم عمران خان پر  اعتماد کا اظہار کیا ہے۔اپوزیشن جماعتوں نے  اجلاس کابائیکاٹ کیا تھا۔