بلاول بھٹو نے چیئرمین سینیٹ کیلئے حمایت نہیں مانگی : ق لیگ

سماجی رابطوں کی ویب سائٹ ٹوئٹر پر جاری پیغام میں سپیکر پنجاب اسمبلی چودھری پرویز الٰہی کے صاحبزادی چودھری مونس الٰہی نے بتایا کہ بلاول بھٹو کی چودھری برادران سے ملاقات میں سینیٹ میں ووٹ نہ دینے سے متعلق کوئی بات نہیں ہوئی۔ چودھری شجاعت کی خیریت دریافت کرنے پر بلاول کے شکرگزارہیں۔

No such thing happened. @BBhuttoZardari did not ask for support in senate and nor did we offer. He came to inquire about Shujat Sb’s health for which are are grateful. pic.twitter.com/66WACDHWFD

— Moonis Elahi (@MoonisElahi6) March 8, 2021

مونس الٰہی کے ٹوئٹ پر ردعمل دیتے ہوئے چیئرمین پیپلزپارٹی بلاول بھٹو نے کہا ہے کہ مونس الٰہی درست کہہ رہے ہیں ۔

واضح رہے کہ گزشتہ روزچیئرمین پیپلزپارٹی بلاول بھٹو زرداری نے چودھری برادران سے ملاقات کی تھی ۔ جس کے بعد کہا جا رہا تھا کہ بلاول بھٹو نے چودھری برادران سے چیئرمین سینیٹ کیلئے ووٹ مانگ لیا،چیئرمین  پیپلزپارٹی بلاول بھٹوزرداری  نے آصف زرداری کا پیغام بھی پہنچایا۔ ذرائع کی جانب سے یہ بھی انکشاف کیا گیا کہ آصف زرداری پنجاب میں وزیر اعلیٰ کی تبدیلی کیلئے بھی ن لیگ اور ق لیگ کو ملانے کے خواہشمند ہیں ۔