بالی وڈ اداکارہ پریتی زنٹا کا اہم انکشاف

تفصیلات کے مطابق اپنے دلکش انداز اور پیاری مسکراہٹ سے لوگوں کے دلوں میں بسنے والی پریتی زنٹا نے 2000 کی دہائی کے اوائل میں بالی وڈ کی ٹاپ اداکاروں کی فہرست میں اپنی جگہ بنائی۔

اب اداکارہ نے انکشاف کیا ہے کہ ان کے اس کامیاب کیریئر کا آغاز سکے کے ذریعے کیے گئے ٹاس سے ہوا۔

پریتی زنٹا کا کہنا تھا کہ اگر ٹاس ان کے حق میں نہ ہوتا تو شاید وہ اداکاری کا انتخاب نہ کرتیں،  انہیں شیکھر کپور کی فلم 'تارا رم پم پم' کی پیشکش کی گئی تو اس کو کرنے کا فیصلہ انہوں نے  قسمت پر چھوڑ دیا۔

پریتی زنٹا کا مزید کہنا تھا کہ یہ پرفیکٹ کہانی لگتی تھی مگر میں نے فیصلہ کیا کہ اگر یہ میری قسمت ہے تو میں ٹاس کروں گی اگر ہیڈز آیا تو میں یہ فلم کروں گی اور اگر ٹیل آیا تو میں نہیں کروں گی۔