سروں کی ملکہ  لتا منگیشکر کی آخری رسومات  سرکاری سطح پرادا ، نامور شخصیات کی شرکت

تفصیلات کے مطابق سروں کی ملکہ  لتا منگیشکر کی آخری رسومات  سرکاری سطح پرادا کردی گئیں ہیں ، لیجنڈ گلوکارہ لتا منگیشکر کی آخری رسومات میں بھارت کی نامور شخصیات نے شرکت کی ، بالی ووڈ کنگ شاہ رخ خان،جاوید اختر لیجنڈ گلوکارہ کی آخری رسومات میں شریک ہوئے،  بھارتی لیجنڈکرکٹر سچن ٹنڈولکر بھی لتا منگیشکر کی آخری رسومات میں شریک ہوئے۔

بھارتی وزیراعظم نریندر مودی لتا منگیشکر کی آخری رسومات میں شریک ہوئے،پھولوں کی چادر چڑھائی،  لتا منگیشکر کوبھارتی پرچم میں لپیٹا گیا،فوجی دستوں نے سلامی دی۔

خیال رہے کہ   لیجنڈری گلوکارہ لتا منگیشکر92 برس کی عمر میں چل بسیں تھیں،  گزشتہ ماہ گلوکارہ لتا منگیشکر کو کورونا کا شکار ہونے پر علاج کیلئے ممبئی کے ’ بریچ کینڈی ‘‘ ہسپتال منتقل کیا گیا تھا ، دوران علاج انہیں نمونیا کی تشخیص بھی ہوئی جس پر گلوکارہ کو آئی سی یو میں منتقل کر دیا گیا تھا۔

لتا منگیشکر کے پاس مختلف زبانوں میں 25 ہزار سے زائد گیت گانے کا عالمی ریکارڈ بھی ہے، انہیں بھارت کی نسلوں کی گلوکارہ کے طور پر بھی پہچانا جاتا ہے۔

لتا منگیشکر نے اپنے کیرئیر کی شروعات تقسیم ہند سے قبل 1943 میں 13 سال کی عمر سے کی تھی جس کے بعد ان کا شمار ہندی سنیما کی بہترین گلوکاراؤں میں کیا جانے لگا۔

لتا منگیشکر نے اپنے کیرئیر میں 36 مختلف زبانوں میں 1 ہزار سے زائد گانے گائیں ہیں، انہوں نے سب سے زيادہ گیت ہندی، مراٹھی اور بنگالی زبان میں گائے ہیں۔

لتا نے بالی وڈ کی متعدد اداکاراوں کو اپنی آواز دی ہیں جس میں ایشوریا رائے، مادھوری، کاجول، اور رانی مکھرجی شامل ہیں۔

ریاست مدھیا پردیش کے شہر اندور میں 28 ستمبر 1929 کو پید اہونے والی لتا منگیشکر کو ان کی گلوکاری کے عوض بھارت کے بڑے سول ایوارڈز سمیت انہیں متعدد ایوارڈز سے بھی نوازا جاچکا ہے۔