ایف بی آر نے ٹیکس ریفنڈز کی ادائیگی کا نیا خود کار نظام سٹرو متعارف کر دیا

تفصیلات کے مطابق  ممبر آئی آر آپریشنز نے انکم ٹیکس ریفنڈ کلیمز کی پہلی ادائیگی کے لئے سڑو خودکار نظام کا افتتاح کیا، انکم ٹیکس ریفنڈکلیمز کی ادائیگی ایف بی آر اور سٹیٹ بینک کے درمیان بنائے گئے وی پی این کے ذریعے ہو گی،اس سنگ میل کو حاصل کرنے میں ایف بی آر کے ممبر آئی آر آپریشنز اورممبر آئی ٹی نے اہم کردار ادا کیا۔

نئے نظام کے اجراء سے ٹیکس نظام میں انسانی مداخلت مزید کم ہو جائے گی اور کاروباری کمیونٹی کو بروقت ٹیکس ریفنڈ ادائیگی سے ریلیف ملے گا۔ایف بی آر اس خو د کار نظام کو تمام وفاقی اور صوبائی اداروں کے درمیان قائم کرنے کے لئے پر عزم ہے۔ودہولڈرز کے لئے بھی اس خود کار نظام کو متعارف کیا جائے گا تاکہ ریفنڈ کلیمز کی تصدیق اور پراسیسنگ خود کار مشین کے ذریعے ہو سکے۔