بجلی  کی قیمت میں 2 روپے 80 پیسےفی یونٹ اضافے کا امکان 

تفصیلات کے مطابق  مہنگائی کے ستائےعوام پر مزید بوجھ ڈالنے کی تیاری کر لی گئی ، حکومت نے 5 ماہ میں بجلی مزید 2 روپے 80 پیسے فی یونٹ مہنگی کرنے کا پلان بنا لیا ۔  حکومتی منصوبے کے مطابق آئندہ پانچ ماہ میں بجلی مزید 2 روپے 80 پیسے فی یونٹ مہنگی کی جائے گی جس سے صارفین کی جیبوں سے 292 ارب روپے نکل جائیں گے۔اس  اضافے سے مالی سال 2023 تک صارفین پر 85 ارب روپے کا اضافی بوجھ پڑے گا ۔ 

ذرائع کے مطابق جولائی میں بجلی مزید 2 روپے17 پیسے فی یونٹ مہنگی کرنے کی جائے گی ، اس سے 85 ارب اسی سال جبکہ ایک سال میں 207 ارب روپے کا اضافی بوجھ پڑے گا ، ذرائع کا کہنا ہے  کہ جون 2022 تک بجلی کا بنیادی ٹیرف 18 روپے 9 پیسے فی یونٹ کرنے کا منصوبہ ہے۔

ذرائع کے مطابق  بجلی ٹیرف میں اضافہ سرکلر ڈیٹ منیجمنٹ پلان کا حصہ ہے ، کابینہ کی توانائی کمیٹی نے نظرثانی شدہ سرکلر ڈیٹ پلان منظور کرلیا ہے۔