شاہد آفریدی نے کیریئر میں پہلی بار بولنگ کا آغاز کرکے تاریخ رقم کردی

ویسے تو بوم بوم آفریدی نے بیٹنگ میں اوپننگ کرنے سے ہر نمبر پر بلے بازی کی لیکن انہوں نےاسلام آباد یونائیٹڈ کے خلاف میچ میں اپنے طویل ٹی ٹوئنٹی کیریئر میں پہلی بار بولنگ کا آغاز کرکے ایک نئی تاریخ رقم کردی۔

جب  آفریدی دوبارہ اسلام آباد یونائیٹڈ کے خلاف میدان میں اترے تو الگ ہی موڈ میں دکھائی دیے۔ شاہد آفریدی نے لاہور میں کھیلے گئے اسلام آباد یونائیٹد کے خلاف میچ میں 4 اوورز میں 27 رنز دے کر 2 اہم وکٹیں حاصل کیں بلکہ وکٹ کیپر بلے باز اعظم خان کو کھاتہ کھولے بغیر رن آؤٹ کرکے اپنا حساب بھی چکتا کردیا۔

قومی ٹیم کے کپتان شاہد آفریدی اپنا آخری پی ایس ایل کھیل رہے ہیں اور پہلی بار کوئٹہ گلیڈی ایٹرز کی نمائندگی کررہے ہیں ، وہ پی ایس ایل 7 کے اپنے افتتاحی میچ میں بدترین بولنگ اسپیل کا ریکارڈ بھی قائم کرچکے ہیں۔

شاہد آفریدی نے کراچی میں کھیلے گئے پہلے مرحلے میں پاکستان سپر لیگ کا اب تک کا سب سے مہنگا ترین اوور کرواتے ہوئے اسلام آباد یونائیٹڈ کے خلاف اپنے 4 اوورز میں ایک وکٹ لے کر 67 رنز دیے۔ شاہد آفریدی نے اپنے 4 اوورز میں 8 چھکے اور ایک چوکا کھایا۔