سونے کی فی تولہ قیمت میں2900 روپے کا اضافہ

ملک میں سونے کی فی تولہ قیمت میں مزید 2900 روپے کا اضافہ ہوا ہے۔جس کے بعد سندھ صرافہ بازار جیولرزایسوسی ایشن کے مطابق  ملک بھر میں ایک تولہ سونے کی قیمت ایک لاکھ 6 ہزار 700 روپے ہوگئی ہے۔ 10 گرام سونےکی قیمت 2486 روپے اضافے سے 91 ہزار 487 روپے ہوگئی ہے۔

عالمی صرافہ بازار میں سونےکی فی اونس قدر 24 ڈالر اضافے کے بعد 1736 ڈالر ہوگئی ہے۔

پاکستان اسٹارک ایکسچینج کی43 ہزار پوائنٹس کی نفسیاتی حد بھی گرگئی، پاکستان اسٹاک ایکسچینج میں کاروبار کے دوران مندی کا رجحان رہا،  ہنڈریڈ انڈیکس میں  911 پوائنٹس کی کمی ہوئی، انڈیکس میں 43 ہزار کی تفسیاتی حد بھی گرگئی۔انڈیکس 42 ہزار 977  پوائنٹس کی سطح پر ٹریڈ ہورہا ہے۔

پاکستانی روپے کے مقابلے میں ڈالر کی قدر میں کمی واقع ہوئی ہے،گزشتہ روز  ایک امریکی ڈالر 157.13  روپے کا تھا۔آج  مارکیٹ کے اختتام پر روپے کی شرح میں 0.09 روپے کا اضافہ ہوا جس سے ڈالر 157.09 روپے کا ہوگیا۔گزشتہ ہفتے سے مسلسل ڈالر کی قدر میں کمی  ہو رہی ہے۔