پی سی بی کے مزید تین ملازمین کورونا وائرس کا شکار ہوگئے

تفصیلات کے مطابق  پاکستان کرکٹ بورڈ ( پی سی بی)  ہیڈ کوارٹرز کے مزید تین ملازمین کا کورونا وائرس ٹیسٹ مثبت آگیا۔پی سی بی کے دفاتر کل سے کھولیں گے۔

پاکستان کرکٹ بورڈ کا کہنا ہے کہ  پازیٹو آنے والے ملازمین کے علاوہ کل سب آفس آئیں گے۔ایک آفیسر کا کورونا وائرس ٹیسٹ پازیٹو آنے پر تمام اسٹاف کی ٹیسٹنگ گزشتہ روز ہوئی تھی۔

چند دن قبل پاکستان کرکٹ بورڈ (پی سی بی ) نے ہیڈ کوارٹرز میں کورونا وائرس کی انٹری کے باعث پی سی بی کا ہائی پرفارمنس کیمپ ختم کرنے کا فیصلہ کیا تھا ۔  پی سی بی نے تمام اسٹاف کے کوویڈ 19 ٹیسٹ کرانے کا بھی فیصلہ کیا تھا ، جبکہ  پی سی بی دفاتر تین روز کے لئے بند کئے گئے تھے۔

گزشتہ  ہفتے  پی سی بی اور ٹیموں کے مالکان کے درمیان منعقدہ ورچوئل میٹنگ کے بعد پاکستان کرکٹ بورڈ نے ایچ بی ایل پاکستان سپر لیگ 6 کو فوری طور پر ملتوی کرنے کا اعلان کیا تھا۔ پی ایس ایل ملتوی کرنے کا فیصلہ  کورونا کیسز سامنے آنے کے بعد کیا گیا تھا۔