اردن کے جوائنٹ چیف آف سٹاف کی آرمی چیف سے ملاقات

پاک فوج کے شعبہ تعلقات عامہ آئی ایس پی آر کےمطابق  آرمی چیف جنرل قمر جاوید باجوہ سے اردن کے جوائنٹ چیف آف سٹاف میجر جنرل یوسف احمد نے ملاقات کی جس میں  پیشہ وارانہ امور، خطے کی سیکیورٹی اور باہمی امور پر تبادلہ خیال کیا گیا۔اردن کےچیئرمین جوائنٹ چیفس آف اسٹاف نےعلاقائی امن واستحکام کیلئےپاک فوج کےکردارکی تعریف کی۔

اس موقع پر آرمی چیف جنرل قمر جاوید باجوہ نے کہا کہ  پاکستان اردن سے برادرانہ تعلقات کو قدر کی نگاہ سے دیکھتا ہے، پاکستان اردن کیساتھ اپنےبرادرانہ تعلقات کوخصوصی اہمیت دیتاہے،پاک فوج اردن کی مسلح افواج کےساتھ دفاعی،سیکیورٹی تعاون کےفروغ کیلئےتیارہے۔

آئی ایس پی آر نے مزید کہا کہ اردن کے جوائنٹ چیف آف سٹاف میجر جنرل یوسف احمد نے پاکستانی ہم منصب چیئرمین جوائنٹ چیفس آف اسٹاف کمیٹی جنرل ندیم رضاسے بھی ملاقات کی، میجرجنرل یوسف احمدکوجوائنٹ اسٹاف ہیڈکوارٹرپہنچنےپرگارڈآف آنرپیش کیاگیا۔ملاقات  میں باہمی وپیشہ ورانہ دلچسپی،علاقائی سیکیورٹی کی صورتحال پربات چیت کی گئی جبکہ دونوں جانب سےعالمی اورعلاقائی سیکیورٹی کی صورتحال پرتفصیلی تبادلہ خیال بھی کیا گیا۔

آئی ایس پی آر نے مزید کہا کہ ملاقات میں میجرجنرل یوسف احمدنےپاکستان کےمسلح افواج کی دہشتگردی کیخلاف جنگ میں مسلح افواج کےقربانیوں کوسراہا۔