مجھے بلیک میل نہ کیا جائے ،کسی کی بلیک میلنگ میں نہیں آؤں گا ،وزیراعظم

تفصیلات کے مطابق  حکومتی خواتین ایم این ایز کو وزیراعظم کی طرف سے صاف انکار، وزیر اعظم عمران خان نے کہا کہ  خواتین ایم این ایز کو ترقیاتی سکیموں اور بجٹ میں کچھ نہیں ملنا ۔شیریں مزاری ،غزالہ سیفی اوردیگر کے بولنے پر وزیراعظم برہم ہوگئے۔

وزیر اعظم نے کہا کہ مجھے بلیک میل نہ کیا جائے ،کسی کی بلیک میلنگ میں نہیں آؤں گا ۔شیریں مزاری نے کہا کہ ہم حکومت میں مردوں کے شانہ بشانہ کام کر رہی ہیں ،ہمیں بھی ترقیاتی بجٹ میں حصہ دیاجائے۔ ایم این اے غزالہ سیفی کا کہنا تھا کہ  کراچی پیکج میں خواتین کوبھی نمائندگی دی جائے، کراچی کی عوام نے آپ کو ووٹ دیا ،باشعور شہری آپ کی طرف دیکھ رہے ہیں، کراچی والوں نے آپ کا ساتھ دیا ہےحلقوں کے مسائل میں مدددی جائے۔

وزیراعظم عمران خان خواتین کی طرف متوجہ ہوتےہوئےبولے کہ مخصوص نشستوں والوں کے کون سے حلقے ہوتے ہیں۔خواتین ارکان نے وزیر اعظم سے مطالبہ کیا کہ  ہمیں بھی اپنے حلقوں میں کام کرنے ہیں۔