وزیراعظم کو حتمی خطرات اپنی جماعت کے اندر سے لاحق ہوں گے:ڈاکٹر شاہد مسعود

جی این این کے پروگرام"لائیوو د ڈاکٹر شاہد مسعود "میں گفتگو کرتے ہوئے سینئر تجزیہ کار ڈاکٹر شاہد مسعود کا کہنا تھا کہ یہ بات میں بہت پہلے بھی کہہ چکا ہوں کہ  وزیراعظم عمران خان کو حتمی خطرات اپنی جماعت سے لاحق ہوں گے، عمران خان کی جماعت میں 30سے 40 ایسے لوگ ہمیشہ سے موجود ہیں  اور اب وزارتیں نہ ملنے پر ان کی تعداد زیادہ  ہو گئی ہے۔

جہانگیر ترین کیخلاف سازش۔۔۔ سنیئے ڈاکٹر شاہد مسعود کا تجزیہ @Shahidmasooddr @JahangirKTareen @PTIofficial #LivewithDrShahidMasood #GNN pic.twitter.com/ucqamf5v51

— GNN (@gnnhdofficial) January 27, 2021

سینئر تجزیہ کار ڈاکٹر شاہد مسعود کامزید کہنا تھا کہ جب عمران خان اور جہانگیر ترین کا تنازعہ ہوا تھا تو میں نے دونوں سے ملاقات کی ایک ناکام سی کوشش کی تھی، جہانگیر ترین کے لہجے میں کوئی تلخی نہیں تھی اور ان کا کہنا تھاکہ یہ کارروائی صرف میرے خلاف ہو رہی ہے اور یہ ایک سازش ہے،ایک پورا گروپ میرے خلاف کھڑا ہے۔دوسری جانب وزیراعظم عمران خان کا شوگر کمیشن پر کہنا تھا کہ میں سارے چوروں کو جیل میں ڈال دوں گا لیکن مجھے اس بات کا علم تھا کہ یہ نہیں ہو گا،اس لیے میں کہتاہوں کہ حتمی طور پر خطرات اند رسے لاحق ہوں گے،لیکن یہ کبھی نہیں کہا کہ پی ڈی ایم کوئی دھرن تختہ کرے گی،ایسا ممکن نہیں ہے اور افراتفری کوئی ریاست برداشت نہیں کر سکتی۔