کورونا کی نئی لہر ، پنجاب کے مختلف شہروں میں شادی ہالز ، جلسوں پر دوہفتے کی پابندی عائد

تفصیلات کے مطابق پنجاب میں برطانیہ سے آنے والا نیا وائرس تیزی سے پھیلنے لگا ہے  ، خدشات کے پیش نظر سیکرٹری پرائمری اینڈ سیکنڈری ہیلتھ کیئر نے پابندیوں اور کاروباری سرگرمیوں کے اوقات کار میں تبدیلی کا نوٹیفیکیشن جاری کر دیا۔ نوٹیفیکیشن کا اطلاق فی الفور ہو گا اور29مارچ تک نافذ العمل رہے گا۔

کیپٹن (ر)محمد عثمان کے مطابق لاہور،راولپنڈی،سرگودھا،فیصل آباد،ملتان،گوجرانوالہ اور گجرات میں تمام انڈور،آؤٹ ڈور میرج ہالز،کمیونٹی سنٹرز اور مارکی 15مارچ سے مکمل طور پر بند ہوں گے۔  کاروباری مراکزشام6بجے بند،ہفتہ اور اتوار کام کرنے کی ہرگز اجازت نہیں ہوگی ۔  تمام میڈیکل سروسز،فارمیسیز،میڈیکل سٹورز ، لیبارٹریاں، کولیکشن پوائنٹس  24گھنٹے اور ہفتے کے 7دن کھلے رہیں گے۔

 سیکرٹری محکمہ پرائمری اینڈ سیکنڈری ہیلتھ کیئر گروسری سٹورز،جنرل سٹورز،چکیاں،فروٹ،سبزی کی دوکانیں،تندور او ر پٹرول پمپس کوپورا ہفتہ 24گھنٹے کھلا رہنے کی اجازت ہو گی۔ ٹائر پنکچر شاپس،فلنگ پلانٹس،ورک شاپس، سپیئر پارٹس شاپس اور زرعی مشینری و آلات کی دکانیں بھی 24گھنٹے کھلی رہیں گی۔   تمام سرکاری و نجی دفاتر  50 فیصد سٹاف کے ہمراہ کام کرنے کی پالیسی پرکاربند ہوں گے۔

 سیکرٹری محکمہ پرائمری اینڈ سیکنڈری ہیلتھ کیئر  کے مطا بق  لاہور،راولپنڈی،سرگودھا،فیصل آباد،ملتان،گوجرانوالہ اور گجرات میں ریسٹورانٹس اور کیفے میں انڈور ڈائننگ سختی سے منع،صرف ٹیک آویز کی اجازت ہوگی۔   لاہور،راولپنڈی،سرگودھا،فیصل آباد،ملتان،گوجرانوالہ اور گجرات میں کسی بھی سماجی و مذہبی تقریبات کے لیے 50افراد کو شامل ہونے کی اجازت ہو گی۔زیادہ آبادی والے بڑے 7شہروں کے علاوہ باقی اضلاع میں 300سے زائد افراد کے اکٹھا ہونے پر پابندی ہوگی۔  نوٹیفیکشن کے اطلاق کے بعد تمام مزارت،درگاہیں اور سنیما ہالز بھی مکمل طور پر بند ہوں گے، تمام تفریحی مقامات اور پارکس شام 6بجے بند کر دیے جائیں گے۔

 سیکرٹری محکمہ پرائمری اینڈ سیکنڈری ہیلتھ کیئر  کے جاری نوٹی فکیشن کے مطابق  ضلعی انتظامیہ پابندیوں کو صوبہ بھر میں نافذ کروانے کے لیے پولیس کے ساتھ رابطے میں رہے گی۔ کیپٹن (ر)محمد عثمان کاکہنا ہے کہ  عوام کو زندگی معمول پر لانے کے لیے حکومت پنجاب کا ساتھ دیتے ہوئے ایس او پیز کو زندگی کا حصہ بنانا ہو گا۔  فوری طور پر یہ پابندیاں لگانے سے کورونا کی متوقع تیسری لہر پر بر وقت قابو پالیں گے۔

ترجمان پرائمری اینڈ سیکنڈری ہیلتھ کیئر کے مطابق  پنجاب میں کورونا وائرس کے1239نئے کیسز، رپورٹ ہوئے ہیں جبکہ مجموعی  تعداد183،815ہو گئی۔  لاہورمیں 800،ننکانہ4،قصور2،شیخو پورہ 8، راولپنڈی73، جہلم 7،حافظ آباد 4 اور گوجرانوالہ میں 19کیسز رپورٹ ہوئے۔ سیالکوٹ 53،نارووال 5،گجرات17،منڈی بہاؤالدین 10،ملتان15،خانیوال2،فیصل آباد122،چنیوٹ1،ٹوبہ ٹیک سنگھ 5،جھنگ2اور رحیم یار خان میں 8 کیسز سامنے آئے۔ سرگودھا 32،لیہ 2،بھکر5، بہاولنگر 6،بہاولپور 15،لودھراں 1،ڈیرہ غازی خان 6،مظفر گڑھ 1،ساہیوال5،راجن پور 1،وہاڑی 3اوراوکاڑہ میں 4 کیسز رپورٹ ہوئے۔

واضح  رہے کہ پنجاب میں کورونا مریضوں کی تعداد ایک لاکھ83ہزار 815ہوگئی ۔ جبکہ صوبے میں اب تک 5 ہزار732 افراد جان سے ہاتھ دھو بیٹھے ہیں ۔