وزیراعظم کی صادق سنجرانی اور مرزا محمد آفریدی کو مبارکباد

تفصیلات کے مطابق وزیراعظم عمران خان نے  سماجی رابطے کی ویب سائٹ ٹوئٹر پر جاری کیے گئے اپنے بیان میں کہا کہ مجھے خوشی ہے  کہ دو عہدے بلوچستان اور سابق فاٹا کو ملے ہیں ۔ انہوں نے کہا کہ جو علاقے ماضی میں پیچھے رہ گئے، انہیں قومی دھارے میں لانا ہماری پالیسی ہے۔

Congratulations to Sadiq Sanjrani & Mirza Mohammad Afridi on winning Senate Chairman & Dy Chairman elections. I am happy Balochistan & former FATA got these two slots in line with my policy of mainstreaming those parts of Pak that have been marginalised or left behind in the past

— Imran Khan (@ImranKhanPTI) March 13, 2021

واضح رہے کہ پاکستان تحریک انصاف اور اتحادی جماعتوں کے متفقہ امیدوار صادق سنجرانی سینیٹ کا الیکشن جیت کر چیئرمین سینیٹ منتخب ہوگئے ہیں۔ حکومت کی جانب سے ڈپٹی چیئرمین سینیٹ کے لیے نامزد امیدوار مرزا محمد آفریدی نے بھی کامیابی حاصل کی ۔

چیئرمین سینیٹ کے انتخاب کے لیے ووٹنگ میں صادق سنجرانی نے 48 اور یوسف رضا گیلانی نے 42 ووٹ حاصل کیے جبکہ آٹھ ووٹ مسترد ہوئے۔ جبکہ ڈپٹی چیئرمین سینیٹ کے لیے 98 ووٹ کاسٹ ہوئے۔ جس میں حکومتی امیدوار مرزا محمد آفریدی نے 54 اور اپوزیشن کے عبدالغفور حیدری نے 44 ووٹ حاصل کیے۔