تاریخ میں پہلی بار فاٹا سے ڈپٹی چیئر مین منتخب ہوا : شبلی فراز

تفصیلات کے مطابق معاون خصوصی اطلاعت شبلی فراز نے سینیٹ چیئرمین کے الیکشن کے حوالے سے میڈیا سے گفتگو کرتے ہوئے کہا کہ  جو علاقے ماضی میں نظر انداز ہوئے ان کیلئے عملی طور پر اقدامات کر رہے ہیں، سابقہ فاٹا کے علاقوں کیلئے بھی وزیراعظم نے ترقیاتی پیکج کا اعلان کیا ہے ۔تاریخ میں پہلی بار ہوا ہے کہ سابقہ فاٹا سے ڈپٹی چیئر مین منتخب ہوا ہے ۔

شبلی فراز کا کہنا تھا کہ ایوان میں عوام کی فلاح و بہود کیلئے قانون سازی ہونی چاہیے ،حکومت اداروں کو عوام کی فلاح و بہود کیلئے استعمال کر رہی ہے،اپوزیشن کی ملکی سیاست کا مقصد ذاتیات کا تحفظ ہے، وزیر اعظم نے فاٹا کا انضمام کر دیا ہے یہ اتنا آسان نہیں تھا ،ن لیگ اور پیپلز پارٹی نے بیرون ملک اثاثے بنائے ،وزیراعظم نے سابقہ فاٹا کیلئے 100 ارب کا بجٹ مختص کیا ۔

شبلی فراز کا مزید کہنا تھا کہ نواز شریف نے لندن اور پورے پاکستان میں جائیدادیں بنائی ہیں، ادارے کسی بھی ریاست کا ستون ہوتے ہیں اپوزیشن نے ادروں کو ذاتی مفاد کیلئے استعمال کیا ،مرزا آفریدی کا تعلق فاٹا اور صادق سنجرانی کا بلوچستان سے ہے ۔تحریک انصاف لوگوں کی فلاح و بہود اور اصولوں پر گامزن سیاست کرتی ہے ۔پیپلز پارٹی نے نظریے سے ہٹ کر ذاتی مقاصد کیلئے کام شروع کردیا، پیپلز پارٹی اور ن لیگ علاقائی جماعتوں میں تبدیل ہوگئی ہیں۔,پیپلز پارٹی فیڈریشن کی جماعت تھی، اب کمزور ہوکر رورل علاقوں میں چلی گئی ہے، ان کی کوشش ہے حکومت کام نہ کرسکے، عوام کی خدمت نہ کرسکے، ان کی کوشش ہے آئے روز شوشے چھوڑے جائیں، ملک میں سیاسی استحکام نہ ہو۔