حکومت کا جون سے قبل حفیظ شیخ کو سینیٹ کا ممبر بنانے کا فیصلہ

تفصیلات کے مطابق  سینیٹ انتخابات جیتنے کے بعد حکومت کا اعتماد بحال ہوگیا۔ وزیرخزانہ عبدالحفیظ شیخ کوجون سے پہلے ایوان بالا کا ممبربنانے کی ٹھان لی گئی،  حکومت صدارتی آرڈیننس کے ذریعے سابق وزیر خزانہ اسحاق ڈار کی پنجاب سے ٹیکنوکریٹ نشست خالی کرائے گی اور  وزیرخزانہ عبدالحفیظ شیخ کوپنجاب سے سینیٹرمنتخب کروایا جائے گا۔

 حکومت کی اہم آرڈیننس لانے کی تیاری حکومتی آرڈیننس میں منتخب ارکان پارلیمنٹ کیلئے حلف اٹھانے کی مدت کا تعین کیا جائےگا،  حکومت صدارتی آرڈیننس کے ذریعے سابق وزیر خزانہ اسحاق ڈار کی پنجاب سے ٹیکنوکریٹ نشست خالی کرائے گی۔

اسحاق ڈارنے2018 میں سینیٹر منتخب ہونے کے بعد حلف نہیں اٹھایا،  جن ممبران پارلیمنٹ اورصوبائی اسمبلیوں نے دو سال تک اپنے عہدے کا حلف نہیں لیا ان کوڈی سیٹ کیا جائے گا۔سابق وزیرداخلہ چوہدری نثارعلی خان کا بھی آرڈیننس کے ذریعے ڈی سیٹ ہونے کا امکان  ہے۔چوہدری نثارعلی خان نے2018 انتخابات میں منتحب ہونے کے بعد بطورممبرپنجاب اسمبلی حلف نہیں ا ٹھایا تھا۔

یاد رہے کہ 3 مارچ 2021 کو  سینیٹ انتخابات  میں پاکستان ڈیموکریٹک موومنٹ (پی ڈی ایم ) کے امیدوار یوسف رضا گیلانی  نے پاکستان تحریک انصاف  (پی ٹی آئی ) کے امیدوارحفیظ شیخ  کو شکست دی تھی۔سینیٹ انتخابات کا سب سے بڑا معرکہ وفاقی دارالحکومت اسلام آباد کی جنرل نشست پر ہوا جہاں سابق وزیر اعظم یوسف رضا گیلانی اور وزیر خزانہ عبد الحفیظ شیخ ایک دوسرے کے مدمقابل تھے۔ حکومتی اتحاد کے پاس 181 جب کہ اپوزیشن نشستوں پر موجود جماعتوں کے پاس 160 نشستیں تھیں   ۔سینیٹ الیکشن میں اسلام آباد کی ایک جنرل اورایک خاتون کی نشست پر مقابلہ ہوا تھا۔

گزشتہ روز  حکومت کے نامزدامیدوار صادق سنجرانی  نے 48 ووٹ حاصل کر کے سینیٹ چیئرمین کا تاج اپنے نام کر لیا تھا اور  حکومت کے نامزدامیدوار مرزا محمد آفریدی نے 54 ووٹ حاصل کر کے ڈپٹی چیئرمین سینیٹ منتخب ہوئے تھے۔پاکستان ڈیموکریٹک موومنٹ (پی ڈی ایم) کے رہنما یوسف رضا گیلانی 42 ووٹوں کے ساتھ شکست کا سامنہ کرنا پڑا جبکہ 8 ووٹ مسترد ہوئے ۔8  ووٹرز  نے یوسف رضا گیلانی کے نام کے اوپر مہر لگائی جس کی وجہ سے ووٹ مسترد ہوئے تھے جبکہ  پی ڈی ایم کی جانب سے ڈپٹی چیئرمین کے لیے نامزد امیدوار عبدالغفور حیدری کو 44 ووٹ ملے تھے۔