سری لنکا کا برقعہ اور اسلامی مدارس پر پابندی کا اعلان

غیر ملکی خبر رساں ادارے کے مطابق  سری لنکا کے وزیر پبلک سیکیورٹی  کا کہنا ہے کہ قومی سلامتی خدشات پر خواتین کے چہرہ مکمل ڈھانپنے پر پابندی کی سمری کابینہ کو بھجوادی ہے، ابتدا میں ہمارے ملک میں مسلم خواتین برقعہ نہیں اوڑھتی تھیں، برقعہ مذہبی انتہاپسندی کی علامت ہے جو حال ہی میں بیرون ملک سے آیا۔سری لنکن وزیر کا مزید کہنا تھا کہ  سری لنکا میں ایک ہزار سے زیادہ اسلامی مدارس پر بھی پابندی لگائی جائے گی۔

واضح رہے کہ  سری لنکا میں  دہشت گردوں کے گرجا گھروں اور ہوٹلوں پر حملے کے بعد 2019 میں ملک میں برقعہ پہننے پر عارضی طور پر پابندی عائد کردی گئی تھی جس کے نتیجے میں 250 افراد ہلاک ہوگئے تھے۔ہلاک ہونے والوں میں32 غیر ملکی شامل ہیں جن میں 5 بھارتی، 3 برطانوی، 2 ترکی اور ایک پرتگال کا شہری جبکہ 2 افراد کے پاس برطانیہ اور امریکا دونوں ممالک کا پاسپورٹ تھا۔

 سری لنکا کے وزیراعظم رنیل وکرماسنگھے نے حملوں کی مذمت کرتے ہوئے دھماکوں کو ایک دہائی قبل تک سری لنکا میں جاری رہنے والی خانہ جنگی کے بعد بدترین واقعہ قرار دیا تھا  اور ملک بھر میں کرفیو نافذ کردیا گیا تھا۔