سوات اور گردونواح میں زلزلے کے جھٹکے

تفصیلات کے مطابق سوات  اور گردونواح میں زلزلے کے جھٹکے محسوس کئے گئے، زلزلہ پیما مرکز کے مطابق  ریکٹرسکیل پر زلزلے کی شدت 4.6 اور گہرائی 128 کلومیٹر ریکارڈ کی گئی ہے۔ زلزلے کا مرکز پاک افغانستان تاجکستان کا سرحدی علاقہ تھا۔

لو گ کلمہ طیبہ کا ورد کرتے ہوئے گھروں سے باہر نکل آئے۔ زلزلے کے باعث لوگوں میں کافی خوف و ہراس پایا جا تاہے۔ابتدائی معلومات کے مطابق کسی جانی یا مالی نقصان کی کوئی اطلاع موصول نہیں ہوئی۔

چند روز قبل بھی سوات اور گردونواح میں  زلزلے کے جھٹکے محسوس کیے گئے تھے،زلزلہ پیما مرکز کے مطابق زلزلے کی شدت 3.9 اور گہرائی 10 کلومیٹر ریکارڈ کی گئی تھی۔

خیال رہے کہ 17 فروری کو بھی خیبرپختونخوا کے علاقے سوات اور گردونواح میں زلزلے کے جھٹکے محسوس کئے گئے تھے۔ زلزلہ پیما مرکز کے مطابق ریکٹر سکیل پر زلزلے کی شدت 4.7 ریکارڈ کی گئی تھی۔ زلزلہ پیما مرکز کے مطابق  زلزلے کا مرکز کوہ ہندوکش تھا۔