نامور اداکارہ کنگنارناوت پر دھوکہ سہی کا مقدمہ درج

تفصیلات کے مطابق  بالی ووڈ کی معروف اداکارہ کنگنا رناوت آئے روز کسی نہ کسی مشکل کا شکار رہتی ہیں، اب کی بارممبئی پولیس کی جانب سے  اداکارہ کے خلاف دھوکہ دہی کا مقدمہ درج کرلیا ہے۔ ممبئی کی عدالت میں درخواست گزار  نے کنگنا رناوت پر کاپی رائٹ ایکٹ کی خلاف ورزی کا الزام لگایا ہے ، درخواست میں کہا گیا ہے کہ کنگنا نے  ان کی لکھی گئی کتاب کی کہانی کا کچھ حصہ بغیر پوچھے استعمال کیا ہے۔

 عدالت نے ممبئی پولیس کو کنگنا رناوت کے خلاف کاپی رائٹ ایکٹ کی خلاف ورزی کرنے پر دھوکہ دہی کا مقدمہ درج کرنے کا حکم دیا، پولیس نے مقدمہ درج کرنے کے بعد تحقیقات کا آغاز کردیا ہے۔

یاد رہے کہ اس سے قبل ممبئی کی عدالت اداکارہ کنگنا رناوت کے خلاف شاعر اور نغمہ نگار جاوید اختر کے ہرجانے سے متعلق کیس میں اداکارہ کے قابل ضمانت وارنٹ گرفتاری بھی جاری کرچکی ہے۔