معروف ٹی وی اداکار مسعوداختر انتقال کرگئے 

جی این این کے مطابق اداکار مسعود اختر پھیپھڑوں کے مر ض میں مبتلا تھے اور گزشتہ کچھ عرصے سے ہسپتال  میں زیر علاج تھے ۔ ان  کی نماز جنازہ عصر کے بعد ادا کی جائے گی ۔

مسعود اختر زائد العمری اور مختلف طبی پیچیدگیوں کے باعث گزشتہ کئی سال سے وقفے وقفے سے ہسپتال داخل ہوتے رہے تھے اور آخری بار انہیں جنوری 2022 کو ہسپتال داخل کرایا گیا تھا۔ وہ  گزشتہ برس اکتوبر کے بعد زیادہ علیل ہوگئے تھے ، کیوں کہ گزشتہ سال ان کے  اکلوتے بیٹے بھی  دل کا دورہ پڑنے سے انتقال کر گئے  تھے۔

مسعود اختر قیام پاکستان سے قبل ستمبر 1940 میں پنجاب کے شہر ساہیوال میں پیدا ہوئے  ۔ انہوں  نے 1960 کی دہائی میں فن کارانہ زندگی کا آغاز کیا اور فلموں ، ٹیلی وژن کے متعدد ڈراموں میں بھی کام کیا ۔

حکومت پاکستان نے انہیں 14 اگست 2005ء کو صدارتی تمغہ برائے حسن کارکردگی عطا کیا تھا جبکہ مسعود اختر دو مرتبہ پرائڈ آف پرفامنس ایوارڈ حاصل کرچکے ہیں ۔