آرمی چیف کا لاہور کور کے فیلڈ ایریا کا دورہ ، آئی ایس پی آر

پاکستانی فوج کے شعبہ تعلقات عامہ (آئی ایس پی آر) کے مطابق  آرمی چیف قمر جاوید باجوہ نے لاہور کور کے فیلڈایریا کا دورہ کیا،آرمی چیف کو فارمیشن کی آپریشنل تیاریوں کے بارے میں بریفنگ دی گئی۔ کورکمانڈر لاہور لیفٹیننٹ جنرل محمد عبدالعزیز بھی آرمی چیف کے ہمراہ تھے ۔

آئی ایس پی آر کا کہنا ہے کہ   آرمی چیف نے جوانوں سے ملاقات  بھی کی،چھوٹے ہتھیاروں کی فائرنگ کا مشاہدہ کیا، آرمی چیف نے جوانوں کی پیشہ ورانہ صلاحیتوں اورتربیت کے اعلی معیار کو سراہا۔

آرمی چیف جنرل قمر جاوید باجوہ نے کہا کہ   افسراورجوان خطرات کے پیش نظر پیشہ ورانہ مہارتوں پر توجہ رکھے،اعلی مہارت اورتربیت ہر چیلنج کے موثرجواب میں اہم کردارادا کرتی ہے۔