کراچی اورنگی ٹاؤن میں رینجرز کی گاڑی کے قریب کریکر حملہ

تفصیلات کے مطابق کراچی اورنگی ٹاؤن نمبر 5 میں رینجرز کی گاڑی کے قریب دھماکہ ہوا ہے ، جس کےباعث رینجرز کی موبائل کو نقصان پہنچا ہے۔ کریکر حملہ میں 3اہلکار زخمی جبکہ  ایک رینجرز اہلکار شہید ہوگیا ہے اور زخمیوں کو اسپتال منتقل کردیا گیا ہے۔

پولیس کا کہنا ہے کہ ملزمان  موٹرسائیکل پر کریکر بم پھینک کر  فرار ہوئے جبکہ واقعہ کے بعد پولیس اور رینجرز کی مزید نفری اورنگی ٹاؤن پانچ نمبر پہنچ گئی۔

تفتیشی حکام کے مطابق  سی سی ٹی وی سمیت اہم شواہد مل گئے،دھماکے سے چند منٹ قبل دو حملہ آوروں نے موٹر سائیکل لاکر کھڑی کی،ایک حملہ آور دور چلا گیا، دوسرا رینجرز موبائل آنے تک لوگوں کو دور کرتا رہا۔

رینجرز اور پولیس کی مشترکہ پکٹ دھماکے سے کچھ فاصلے پر لگی ہوتی ہے،رینجرز موبائل کو پکٹ ڈیوٹی ختم کرکے جاتے ہوئے نشانہ بنایاگیاہے۔

تفتیشی حکام  کا کہنا ہے کہ دھماکہ خیز مواد میں شامل بال بیرنگ کی تعداد کئی گنازیادہ تھی،دھماکے میں استعمال موٹر سائیکل کا ریکارڈ کلئیر ہے جبکہ موٹر سائیکل مجاہد کالونی کے رہائشی شخص کے نام پر رجسٹرڈ ہے۔