آصف زرداری کا آصفہ بھٹو کو پارلیمانی سیاست میں لانے کا اعلان

پارلیمنٹ ہاؤس میں میڈیا سے گفتگو کرتے ہوئے انہوں نے کہا ہے کہ آصفہ بھٹو کو اگلے انتخابات میں پارلیمانی سیاست میں لے کر آؤں گا۔

صحافی نے سوال کیا کہ آپ اپنی بیٹی آصفہ بھٹو زرداری کو پارلیمانی سیاست میں کب لا رہے ہیں؟ اس پر سابق صدر نے جواب دیا کہ انشاء اللہ اگلے الیکشن۔

سابق صدر آصف علی زرداری کا کہنا تھا کہ وزیراعظم کے خلاف تحریک عدم اعتماد کامیاب ہو گی۔

کیا تحریک عدم اعتماد میں اپوزیشن کو کامیابی کے بعد اقتدار پرامن منتقل ہوگا؟صحافی کے سوال پر ان کا کہنا تھا کہ عمران خان اب کچھ بھی نہیں کرسکتا۔