ایل پی جی کے گھریلو سلنڈر کی قیمت میں 157 روپے سے زائد کا اضافہ

تفصیلات کے مطابق آئل اینڈ گیس ریگولیٹری اتھارٹی کی جانب سے ایل پی جی کی قیمت میں اضافہ کر دیا گیا ہے۔

اوگرا کی طرف سے جاری نوٹیفکیشن کے مطابق یکم اپریل سے ایل پی جی کے گھریلو سلنڈر کی قیمت میں 157روپے44پیسے کا اضافہ ہو جائے گا۔

میڈیا رپورٹس میں بتایا گیا ہے کہ ایل پی جی کے 11.8 کلو کے گھریلو سلنڈر کی قیمت 2،916 روپے 11 پیسے ہو گئی ہے۔

ایل پی جی کی فی کلو قیمت میں مجموعی طور پر 13.31 روپے کا اضافہ کیا گیا ہے جس کے بعد فی کلو قیمت 247 روپے 12 پیسے ہوگئی ہے۔

بتایا گیا ہے کہ ایل پی جی کی نئی قیمتوں کا اطلاق یکم اپریل سے ہوگا۔