امام الحق کے بعد بابر اعظم کی بھی شاندار سنچری

تفصیلات کے مطابق لاہور کے قذافی اسٹیدیم میں پاکستان اور آسٹریلیا کی ٹیموں کے درمیان ون ڈے سیریز کا دوسرا میچ جاری ہیں جس میں کپتان بابر اعظم نے 73 گیندوں پر شاندار 100 رنز بنائے۔

اس سے پہلے امام الحق نے بھی 10 رنز مکمل کیے۔ امام الحق نے آسٹریلیا کے خلاف دوسرے ایک روزہ میچ میں مسلسل دوسری سنچری اسکور کرکے  ون ڈے کرکٹ میں تیز ترین 9 سنچریاں بنانے کا اعزاز اپنے نام کیا۔

 امام الحق 48 ون ڈے اننگز میں 9 سنچریاں بنانے والے پہلے بیٹر ہیں، ان سے قبل جنوبی افریقہ کے ہاشم آملہ نے 52 اننگز میں 9 سنچریاں اسکور کی تھیں جبکہ کوئنٹن ڈی کوک نے 53 اور بابر اعظم نے 61 اننگز میں 9 سنچریاں بنائی تھیں۔

اس کے علاوہ امام الحق 48 اننگز میں سب سے زیادہ رنز بنانے والے پاکستانی بھی  بن گئے ہیں، ان سے قبل ظہیر عباس نے 48 اننگز میں 2166 رنز بنائے تھے۔