آرمی چیف سے سابق امریکی مندوب زلمے خلیل زاد کی ملاقات

تفصیلات کے مطابق آرمی چیف جنرل قمر جاوید باجوہ سے امریکہ کے سابق مندوب زلمے خلیل زاد کی ملاقات ہوئی ہے۔

آئی ایس پی آر کی مطابق ملاقات میں باہمی دلچسپی کے امور،علاقائی سکیورٹی صورت حال کے علاوہ مختلف شعبوں میں دوطرفہ تعلقات پر بھی بات چیت کی گئی۔

بتایا گیا ہے کہ ملاقات میں آرمی چیف جنرل قمر جاوید باجوہ نے افغانستان میں انسانی بحران کے خطرے سے نمٹنے کے لیے عالمی کوششوں کی ضرورت پر زور دیا۔

آئی ایس پی آر کے مطابق آرمی چیف نے اسلام آباد سکیورٹی ڈائیلاگ میں شرکت پر زلمے خلیل زاد کا شکریہ اداکیا۔

آئی ایس پی آر نے بتایا کہ زلمے خلیل زاد نے علاقائی استحکام کے لیے پاکستان کے کردار کو سراہا اور پاکستان کے ساتھ ہرسطح پر سفارتی تعاون کے لیے کردار ادا کرنے کا عہد کیا۔