حکومت کی جانب سے الیکشن کمیشن پرمتواتر حملوں پر بلاول بھٹو کی شدید مذمت

تفصیلات کے مطابق پی پی پی چیئرمین بلاول بھٹو زرداری کی الیکشن کمیشن پر حکومت کی جانب سے متواتر حملوں کی شدید مذمت، بلاول بھٹو کا کہنا ہے کہ الیکشن کمیشن کو اپنی ذمہ داریاں آئین و قانون کے مطابق نبھانی ہیں، دھاندھلی و انتخابی انجنیئرنگ میں پی ٹی آئی حکومت کا شراکتدار بننے سے انکار کو بغاوت کے طور پر لیا گیا ہے۔ پی ٹی آئی کی انتخابی فراڈ کے سامنے تسلیم خم کرنے کے لیئے الیکشن کمیشن کو دھونس دھمکیاں قابلِ مذمت ہیں۔

بلاول بھٹو نے کہا کہ الیکشن کمیشن ایک قومی ادارہ ہونے کی حیثیت سے پوری قوم اور آئین اُس کے ساتھ کھڑے ہیں۔ چیف الیکشن کمشنر اور ارکان سے استعفوں کا مطالبہ پی ٹی آئِی حکومت کی طرف سے بلیک میلنگ کا ہتھکنڈہ ہے۔ پی ٹی آئی ایک مشکوک جماعت، جس نے اقتدار پر قبضے کی خاطر فارن فنڈنگ ​​کے ذریعے لاکھوں ڈالر بٹور چکی ہے۔متحرک و حقیقی جمہوریت کے لئے ایک خودمختار الیکشن کمیشن کا ہونا ضروری ہے۔

بلاول بھٹو نے مزید کہا کہ پی ٹی آئی حکومت کی جانب سے الیکشن کمیشن کو جھکانے یا یرغمال بنانے کے ہر حربے کے خلاف تمام جمہوری قوتیں مزاحمت کریں گی۔پیپلزپارٹی نے اسٹیبلشمینٹ سے ڈیل سے متعلق تاثرات کو مسترد کردیا۔