ماضی کی غلطیوں کی بھاری قیمت چکانا پڑی،وزیراعظم

گورنر ہاؤس لاہور میں تقریب سے خطاب میں وزیراعظم عمران خان کا کہنا تھا کہ تیاری کریں 3 مہینے میں نئے الیکشن ہونگے۔

وزیراعظم کا کہنا تھا کہ سازش کرنیوالوں کی سیاست کی قبر بنےگی، بیرون ملک سےحکومت گرانےکی بہت بڑی سازش ہوئی۔ الیکشن میں بیرونی سازش کرنیوالوں کوسبق سکھائیں گے۔

عمران خان وزیراعظم عمران خان نے ملک بھر میں پُرامن مظاہروں کا اعلان کرتے ہوئے کہا کہ امریکا اور یہاں موجود ان کے سازشیوں کو پیغام جانا چاہیے۔ سازش کو شکست دینا قوم کا فرض ہے۔

انہوں نے کہا کہ آواری ہوٹل میں تماشہ ہورہا ہے، ضمیر خرید کر ممبران کو ہوٹل میں بند کیا ہوا ہے، پی ٹی آئی کی سیٹ پرآتے ہیں اور ضمیر کا سودا کرتے ہیں۔ کارکنوں ان غداروں کیخلاف ہر روز مظاہرہ کرنا ہے اگر غداری کیخلاف کھڑے نہیں ہوئے تو مستقبل تباہ ہونگے۔

اس سے قبل وزیراعظم سے پرویزالہٰی اور مونس الہٰی کی ملاقات ہوئی جس میں ملک کی موجودہ سیاسی صورتحال پر تبادلہ خیال کیا گیا۔