ملک بھر میں ریلوے آن لائن ریزرویشن بحال

تفصیلات کے مطابق  ملک بھر میں ریلوے آن لائن ریزرویشن بحال ہوگیا،سافٹ وئیر سے بکنگ ڈیٹا بھی محفوظ کر لیا گیالیکن  مین سرورمیں خرابی کی وجہ تاحال تلاش نہ کی جاسکی ۔

وزیر ریلوے اعظم سواتی نے انکوائری رپورٹ طلب کر لی ہے۔وزیر ریلوے اعظم سواتی کا کہنا ہے کہ  پرائیویٹ سیکٹر کے ایکسپرٹ کی خدمات لیکر تحقیقات کیں جائیں، ڈیٹا سینٹر ایکسپرٹ ایک ہفتے میں فرنزک رپورٹ پیش کرنے کے پابند ہوں گے۔

خیال رہے کہ ریلوے کا آن لائن سسٹم منگل کے روز کام کرنا چھوڑ گیا تھا۔ ملک بھر میں ریلوے کا بکنگ کا نظام خراب ہونے کے باعث مسافر کو بھی سخت پریشانی کا سامنا ہے۔ بکنگ کا نظام بیٹھ جانے سے ریلوے کو لاکھوں روپے کا نقصان ہو۱۔