بابراعوان کا آئینی ترمیمی بل کو آئندہ ہفتےپارلیمنٹ میں لانے کا اعلان

میڈیا سے گفتگو کرتے ہوئے مشیرپارلیمانی اموربابراعوان کا کہنا تھا کہ سینیٹ الیکشن کیلئےریٹ لگائےگئےہیں ،سب بتاوں گا،آج تک کسی نے سینیٹ الیکشن فیئرکرنے کیلئےقانون سازی نہیں کی،ہم نے ملکی تاریخ  میں پہلی بار اصلاحات کیلئے آئینی پیکیج تیار کیاہے اور سنگل ٹرانسفریبل ووٹ کی جگہ اوپن ووٹ کالفظ استعمال کر رہےہیں،تمام انتخابات کو شفاف ہونا چاہیے اور ووٹ قابل شناخت ہونا چاہیے، آئینی ترمیم کےبل کوآیندہ ہفتےپارلیمنٹ میں لےجا رہےہیں،آئینی ترمیم کے تین حصے ہیں،جن  لوگوں نے پیسہ کمانا ہوگا وہ بل کی حمایت نہیں کریں گے۔

انہوں نے مزید کہا کہ آرٹیکل میں ترمیم کرکے بیرون ملک پاکستانی الیکشن لڑسکتے ہیں اور  ترمیم کے بعد جس کے پاس دہری شہریت ہوگی وہ بھی الیکشن لڑے گا،دہری شہریت کے حامل افراد عہدہ ملنے کے بعد  دہری شہریت چھوڑ دیں گے۔

بابر اعوان نے مزید کہا کہ سینیٹ الیکشن میں شفافیت سب کیلئےٹیسٹ کیس ہے،تمام جماعتوں کوہارس ٹریڈنگ روکنےکیلئےموقع فراہم کررہےہیں،ہم وہ آئینی ترمیم لارہے جو پوری قوم کا مطالبہ ہے، سب لوگوں نے ہمیشہ کہا کہ سینیٹ الیکشن شفاف ہونا چاہیے۔