سیکیورٹی فورسز کا سوات میں خفیہ اطلاعات پر آپریشن ، ایک دہشت گرد ہلاک

پاکستانی فوج کے شعبہ تعلقات عامہ (آئی ایس پی آر) کے مطابق سوات کے علاقے کانجو میں انٹیلی جنس اطلاعات پر سکیورٹی فورسز نے آپریشن کیا ، آپریشن کے دوران خطرناک دہشتگرد مکرم ہلاک جبکہ ایک دہشتگرد کو گرفتار کر لیا گیا۔

آئی ایس پی آر کے مطابق دہشتگردوں کی فائرنگ سے 2 مقامی راہگیر بھی شہید ہو گئے۔ دہشت گردوں کا تعلق  کالعدم ٹی ٹی پی سے ہے۔ تحریک طالبان پاکستان سوات سے تعلق رکھنے والے دونوں دہشت گرد سیکیورٹی فورسز پر حملوں میں ملوث تھے۔دونوں دہشت گرد اسکولوں کو تباہ کرنے، ٹارگٹ کلنگ، بھتہ خوری کی کارروائیوں میں بھی ملوث تھے۔